بالفيديو|الغيطي: لافتات دعم السيسي «حرام».. ومحمد صبحي: فلوس ضايعة

كتب: متابعات - توك شو

فى: توك شو

20:33 12 مارس 2018


 

انتقد الإعلامي محمد الغيطي انتشار لافتات دعم الرئيس عبدالفتاح السيسي في الشوارع بشكل ملحوظ وزائد ما يهدر الأموال على الدولة.
 

وقال الغيطي:"الناس حاطة اسمها وصورة السيسي.. إيه الفلوس دي؟ أنا بسأل واحد صاحبي في الدعاية قالي عشان أعمل لافتة ضخمة وأحطها في الشارع هتتكلف 300 ألف جنيه لان الباشا عايز يشتهر على حساب السيسي ملايين".

 

وأضاف الغيطي:"هذه الأموال حرام لأن المبذرين كانوا إخوان الشياطين ودي أموال هدفها نفاق الحاكم وهي أموال سحت وأظن أن الرئيس لا يرضيه هذا ".

 

وقال الغيطي:"انتوا بجد بتضايقوا الناس الموضوع زيادة قوي هل ده حدث في امريكا ولا في اي دولة في العالم أنتوا ليه بترجعونا للحزب الوطني ".

 

وأضاف الغيطي"ايه الملايين والمليارات دي مش الشعب أولى بيها انت جبت فلوسك من حرام وعايز تأيد السيسي بها بقولك السيسي مش عايزك".



 

في سياق متصل قال الفنان محمد صبحي:"الرئيس السيسي مش محتاج ده أنا أنزل أعمل كده لو في خطورة على مصر لكن أنا شايف إن ده زيادة عن اللزوم والفلوس دي يتعمل بيها حاجات كتيرة".

وقال صبحي:"ده مش صالح الرئيس السيسي مش لصالحه أنا في رأيي إن الانجازات اللي حصلت في مصر مش محتاجة دعاية ".

 

وتجرى الانتخابات الرئاسية في الخارج أيام 16 و17 و18 مارس المقبل من خلال 139 لجنة انتخابية في مقار وسفارات وقنصليات مصر المختلفة في 124 دولة على أن تجرى داخل البلاد أيام 26 و27 و28 من الشهر ذاته.

وكانت الهيئة الوطنية حددت الدعاية للانتخابات الرئاسية لمدة 28 يوما تنتهي قبل  الاقتراع بيوم سواء خارج أو داخل البلاد.


 

اعلان


اعلان